2023 он: 17 дугаар жарны Үзэсгэлэнт болгогч хэмээх Харагчин туулай жилийн Цагаан сарын баярыг тохиолдуулан орон нутгийн бичил, жижиг, дунд үйлдвэр, үйлчилгээ эрхлэгчдийн үйлдвэрлэсэн бараа, бүтээгдэхүүний борлуулалтыг нэмэгдүүлэх, зах зээлд таниулан сурталчлах, үйлдвэрлэгч хэрэглэгчдийг холбох зорилгоор “Цагаан сар-2023” үзэсгэлэн худалдааг хамтран зохион байгуулсан.

Тус үзэсгэлэн худалдаанд 8 сумын 90 гаруй иргэн, аж ахуйн нэгж байгууллага оролцож 130,0 гаруй сая төгрөгийн борлуулалт хийсэн.

Бараа бүтээгдэхүүний хэрэглэгчдийн эрэлт хэрэгцээ, амт чанар, борлуулалт зэргийг үнэлэн "Арвин хүнс" цех Р.Энхболд хүнсний салбарын, гутал үйлдвэрлэгч төсөл хэрэгжүүлэгч Б.Мэндсайхан хөнгөн үйлдвэрийн салбарын, Чацарганаар төрөл бүрийн бүтээгдэхүүн үйлдвэрлэгч Л.Лхамхүүг газар тариалангийн салбарын шилдгээр тус тус шалгаруулж, шагнан урамшууллаа.